თერმისტორი / Thermistor
ცვლადი წინაღობების რამდენიმე ნაირსახეობა ჩვენ უკვე შევისწავლეთ, რომლებიც ამა თუ იმ პრინციპით იცვლიდნენ წინაღობის მნიშვნელობას, თუმცა არსებობს ამგვარი წინაღობების სხვა ვარიანტებიც. ერთ-ერთი მათგანი კი
– თერმისტორია. “თერმოს”- ბერძნული სიტყვაა და ქართულად ტემპერატურას ნიშნავს. თერმისტორი კი ელექტრული კომპონენტია, რომელიც წინაღობას სწორედ ტემპერატურის მიხედვით იცვლის. აღსანიშნავია ის ფაქტი, რომ ტემპერატურა ორი ნიშნის, ” + ” და ” – ” არსებობს, შესაბამისად თერმისტორიც 2 სახის გვაქვს. არსებობს უარყოფითი ტემპერატურული კოეფიციენტის მქონე თერმისტორი (NTC) , რომელსაც ტემპერატურის გაზრდით წინაღობა უმცირდება, ხოლო დადებითი ტემპერატურული კოეფიციენტის მქონე (PTC) თერმისტორში კი საწინააღმდეგო პროცესია: ტემპერატურის გაზრდით მისი წინაღობაც იზრდება.
თერმისტორის საშუალებით მზადდება ტემპერატურის სენსორები, რომლებსაც უდიდესი გამოყენება აქვთ გათბობა-გაგრილების სისტემებში. იგი სხვადასხვა გამათბობლებსა თუ კონდენციონერებშია ჩამონტაჟებული და ოთახში არსებული ტემპერატურის შეფასებით არეგულირებს მათი მუშაობის ხანგრძლივობას და საჭიროებას. ეს ყველაფერი კი დიდი რაოდენობით ელექტროენერგიას ზოგავს.
NTC – ტიპის თერმისტორი ელექტრონიკაში ხშირად დამცველადაც კი შეიძლება მოგვევლინოს. როდესაც რაიმე სქემაში მოკლე ჩართვა ხდება და დენის სიდიდე საგრძნობლად იმატებს ამ დროს კომპონენტები გადახურებას იწყებენ, აგრეთვე ხურდება NTC ტიპის თერმისტორიც და მისი მუშაობის პრინციპიდან გამომდინარე, საპასუხოდ უმცირდება წინაღობა. ომის კანონის თანახმად კი დენი იმ გზას აირჩევს, სადაც ნაკლები წინაღობაა, ამიტომ დენის დიდი ნაწილი თერმისტორში გაივლის, ხოლო სქემის ძირითადი ნაწილი უვნებელი დარჩება მოკლე ჩართვისგან.
