მაგნიტები და მაგნიტური ველი
მაგნიტი ერთ-ერთი ყველაზე გავრცელებული ფიზიკური აღმოჩენაა. მათი „მუშაობის“ პრინციპი საკმაოდ მარტივია – ისინი განიზიდავენ ან მიიზიდავენ ერთმანეთს. მაგნიტებს გააჩნიათ „ჩრდილოეთი“ და „სამხრეთი“ პოლუსები. თუ მათ ერთნაირი პოლუსებით მივაახლოებთ ერთმანეთთან, ისინი განიზიდებიან, ხოლო სხვადასხვა პოლუსის შემთხვევაში მიიზიდებიან. ამ ორივე ქმედებას იწვევს გრკვეული ძალა, რომელიც მაგნიტური ძალის სახელითაა ცნობილი, იგი თვალისთვის უხილავია. მაგნიტები მიზიდვა-განზიდვის ძალის გამოვლინებას, მაგნიტური ველის მეშვეობით ახერხებენ. მაგნიტური ველი არის მაგნიტის „უნარი“ იურთიერთქმედოს სხვა მაგნიტურ სხეულებთან. მაგნიტურ ველს ძალწირებით გამოსახავენ. მათ აქვთ მიმართულება, რომელიც პირობითად მაგნიტის ჩრდილოეთ პოლუსიდან, სამხრეთ პოლუსისკენ არის დადგენილი.
მაგნიტური თვისებები ახასიათებს დენიან სადენსაც, როდესაც სადენში დენი გადის მის გარშემო მაგნიტური ველი წარმოიქმნება.
მაგნიტები სხვადასხვანაირი არსებოს, ერთ-ერთი ტიპის მაგნიტის გაკეთება ჩვენთვითონაც კი შეგვიძლია. საქმე ელექტრო მაგნიტს ეხება, რომელშიც დენი იღებს მონაწილეობას. კონკრეტულად, თუ კი რაიმე ფოლადის ღეროს იზოლირებულ მავთულს შემოვაკრავთ, რამდენიმე ხვიას გავაკეთებთ და მის ბოლოებზე ძაბვას მოვდებთ, ფოლადის ღერო დამაგნიტდება და იგი ჩვეულებრივი მაგნიტის მსგავსად მიიზიდავს სხეულებს. ამგვარი მაგნიტების მუშაობის პრინციპი ელექტრინიკაშიც ათვისებულია და არსებობს ელექტრული კომპონენტები, სადაც ელექტრომაგნიტებია გამოყენებული.
