რა არის ელექტრული კომპონენტები და წრედები?
ელექტრული კომპონენტებია ელქტრული სქემის მთავარი შემადგენელი ნაწილი, რომელიც განსაზღვრავს სქემის მუშაობის ლოგიკას. ელქტროინჟინრის მთავარი ფუნქციაა ელექტრული კომპონენტების სიღრმისეულად ცოდნა მათი თვისებების, ფუნქციონალის, ერთმანეთთან დაკავშირების წესებისა და მუშაობის პრინციპების ცოდნა, ამ ყველაფრის გამოყენებით ელექტროინჟინერს შეუძლია შექმნას ელექტრული სქემა, რომელიც შეასრულებს რაიმე დავალებას, მაგალითად სმარტფონი, რომელსაც შეუძლია ბევრი ფუნქციის შესრულება ელექტრონული სქემისა და მასზე ჩაწერილი პროგრამული უზრუნველყოფის მეშვეობით. ასე რომ, თუ გსურს ისწავლო ელექტროინჟინერია პირველი რაც უნდა ქნა არის ელექტრული კომპონენტების შესწავლა.
ელექტრული წრედის (ელექტრული სქემის) დასახაზად ინჟინრები იყენებენ კომპონენტების აღნიშვნებს ისევე როგორც მუსიკოსები წერენ ნოტებს, რადგან დაკვრის დროს გაარჩიონ ნოტები. ყველა კომპონენტის აღნიშვნა განსხვავდება და მნიშვნელოვანია მათი ცოდნა, რომ გავარჩიოთ სხვისი დახაზული სქემა ან დავხაზოთ ჩვენივე სქემა.
ისევე, როგორც ექიმი გვაკვირდება სხვადასხვა მონაცემზე (წნევა, ტემპერატურა, პულსი…) ასევე მნიშვნელოვანია ინჟინერი ატარებდეს დაკვირვებას სქემაზე არსებულ მონაცემებზე: ძაბვა, დენი, წინაღობა და სხვა მრავალი. ამისთვის ინჟინრები იყენებენ სხვადასხვა ხელსაწყოს: ტესტერი, ოსცილოგრაფი, ამპერმეტრი, ვოლტმეტრი და სხვა.
