ციფრული და ანალოგური ელექტრონიკა
ელექტრონიკა არის მეცნიერების ერთ-ერთი მიმართულება რომელიც შეისწავლის ელექტრულ მოვლენებს. როგორც ყველა მეცნიერება ელექტრონიკაც იყოფა რამდენიმე ნაწილად. მაგალითად მათემატიკა იყოფა ალგებრად და გეომეტრიად, ფიზიკა მექანიკად ოპტიკად და ასე შემდეგ. ელექტრონიკა კი იყოფა ანალოგურ და ციფრულ სიგნალებად. გავიცნოთ ორივე მათგანი.
ანალოგური ელექტრონიკა შეისწავლის ისეთ მოვლენებს სადაც ძაბვა შეგვიძლია ვცვალოდ ჩვენი სურვილისამებრ ნულიდან კვების ძაბვამდე. მაგალითად თუ გვაქვს 5 ვოლტიანი ბატარია შეგვიძლია ნულიდან ხუთი ვოლტის ჩათვლით მივიღოთ ძაბვის ნებისმიერი მნიშვნელობა 0.2, 3, 4.2, 5 და ასე შემდეგ. შეიძლება ითქვას რომ ანალოგური სიგნალი დღევანდელ ცხოვრებაში მოძველებულია თუმცა მაინც გამოიყენება, სახლის გაყვანილობაში სწორედ ანალოგურ სიგნალს ვიყენებთ.
ანალოგურისგან განსხვავებით ციფრულ ელექტრონიკაში გვაქვს ძაბვის წყვეტილი მაჩვენებელი. მარტივად რომ ვთქვათ ძაბვა ან გვაქვს ან არა. შესაბამისად ეს გვაძლევს საშუალებას გამოვიყენოთ ორობითი სისტემა, ანუ ნულისა და ერთისგან შედგენილი თვლის სისტემა. თუ გვაქვს ძაბვა გვაქვს ერთი, ხოლო ძაბვის არქონის შემთხვევაში გავქვს ლოგიკური ნული. თანამედროვე სამყაროს თითქმის 99% ციფრული მოწყობილობებია.
ორივე ელექტრულ სიგნალს აქვს თავისი პლიუსი და მინუსი მაგალითად უკაბელო კომუნიკაციისთვის უმჯობესია ციფრული სიგნალი რადგან ინფორმაცია გადაიცემა უკეთესი ხარისხით შეგვიძლია მისი დაშიფვრა და ასე შემდეგ, თუმცა ციფრული კომუნიკაციისთვის საჭიროა სიგნალის მოდულაცია.
