როგორ შევქმნა ელექტრული სქემა ?
ელექტრული სქემის შესაქმნელად აუცილებელია ვიცნობდეთ სხვადასხვა ელექტრონულ კომპონენტს რადგან ელექტრული სქემა არის კომპონენტების ერთმანეთთან სადენებით, გარკვეული წესებით დაკავშირება. სქემი შეიძლება შევქმნათ ორი მეთოდით: PCB (Printed Circuit Board) მსგავსი ტიპის სქემა არის ქარხნული ტიპის ანუ რაც გამოიყენება სხვადასხვა სამომხმარებლო ტექნიკაში მაგალითად კომპიუტერის დედა დაფა სადაც თუ დააკვირდებით დაფაზე დატანილია მცირე ზომის კომპონენტები, შესაერთებლები, სადენის გამომყვანები.
PCB სქემის დასამზადებლად საჭიროა კომპიუტერული პროგრამების საშუალებით სქემის დახაზვა. სქემის დახაზვისას უნდა იყოთ დარწმუნებულები რომ მას არ აქვს ხარვეზები და მაქსიმალურად გამართულია, რადგან სქემის დამზადების შემდეგ შეუძლებელია პრობლემების გამოსწორება. PCB ტიპის სქემა მზადდება სპეციალურ ქარხანაში სხვადასხვა ტექნიკის გამოყენებით.
მეორე მეთოდი არის სამაკეტო დაფაზე (Breadboard) სქემის აწყობა, ამ ტიპის სქემა ძირითადად გამოიყენება სქემის პირველადი შემოწმებისთვის ან პროტოტიპირებისთვის, რადგან სამაკეტო დაფაზე სქემის აწყობა არის მარტივი და ბევრად ნაკლებ დროს მოითხოვს.
სამაკეტო დაფაზე (Breadboard) სქემის ასაწყობად საჭიროა ჩავაერთოთ კომპონენტების ფეხები დაფაზე და დავაკავშიროთ ერთმანეთთან სადენებით რაც სქემის აწყობას ამარტივებს რადგან ნებისმიერ დროს შეგვიძლია კომპონენტისა თუ სადენის ამოძრობა, სხვაგან გადატანა თუ ჩაერთება.
